Kolumne über die Volksdroge Nr. 1Itz luegeni Paris haut uf Netflix
Mundart-Autorin Renata Burckhardt lindert ihr Reisefieber mit Serien und lernt von einem japanischen Dämonenschlachter.
Paris in Puderzucker: Ihre Sehnsuchtsstadt kann die Kolumnistin momentan nur aus der Ferne anschmachten (10. Februar 2021).
Foto: AFP
I ha mi jahrelang drgäge gwehrt. Aber syt ere Wuche hets mi fescht im Griff. Drwäge gangen ig am Abe z spät is Bett. Drwäge bin ig übernächtigt. Drwäge machen ig vor em Pfuse ke Spaziergang meh. Drwäge chas passiere, dass mi ungereinisch Figure, wos nid git, meh begleite aus serigi, wos git. I rede vo öppisem, wo e riesigi Mängi vo Lüt betrifft. I rede vom Serie glotze uf Netflix.