Mundart-Glosse über HeimatgefühleErrichtet isch errichtet!
Nach ihren Erfahrungen in der Eurozone sucht unsere Mundart-Kolumnistin nun Zuflucht am Rockzipfel des Mutterlandes. Aber will man wirklich am Racletteofen versauern?
Mueterland, Insel of my Binnendreams. I mine füechte Träum lechz ich nach dim träg wabernde Rockzipfel. Nach dim behagliche Phlegma. Nu kurz under diin Rock wotti schlüpfe. Kurz usruebe.
Du luegsch mich vo obe aa mit grossäugigem Unverständnis. Wer isch wem fern oder fremd? Mueterland! Reagier uf mich! «Fremd isch immer die, wo nöd bliibt» seit s Mueterland und nickt sich selber zue. Sich selber zuenicke gaht au ohni Erfahrigshorizont und berechtigt zum Beharre. «Aber ich triibe furt, ich drifte weg», rüef ich panisch. Jedoch s Mueterland het sich bereits wieder eigete Aaglägeheite zuegwändet. «Gahn doch!»
